Weihnochtn hot scho sein Sinn... ...für mih als Kind:
Ih mecht vül Geschenke kriagn.
Mehr ols wie die Nochborskinder.
Der Gobntisch, der soll sih biagn.
Ih gfreiat mih den gaunzn Winter.
...für mih als Gschäftsmaunn:
Da Umsatz, der muass passn.
Vor ollem aber, der Gewinn.
Wenn die Leut so richtig prassn,
dann hot Weihnachtn an Sinn.
...für mih als Pforrer:
Es gibt hiatz endlih wieder Tog,
wo Menschn in die Kirchn gehn.
Ih stöll mih eh scho lang die Frog:
Wüll eppa koaner auferstehn?
...für mih als Häftling:
Die Vorgabm passn eh genau,
für a Weihnachtsamnestie.
Ih hoff nur, ih verloss den Bau.
Ih verdienats, irgendwie.
...für mih als Bettler:
Saukolt is oft in dera Zeit,
dass ih mih net erwärmen kau´.
Drum gebms hiatz mehr, die Leit.
Und manche schaun mih sogar au´.
Josef Graßmugg
Keine Kommentare:
Kommentar veröffentlichen