Weihnocht mit Gschenkn
Ih hoff, dass net okimmt
as Schenkn und Kriagn,
Lametta und Noschzeug,
dass d´ Christbam sih biagn,
die Liader der Weihnocht
und ´s Leuchtn der Augn
waunn den Kindern die Packerl
mit Geschenkn tuat taugn,
waunn am Handy bold kemman
die Wünsch va d´ Bekaunntn,
ban Christbam beinaund stehn
die engstn Verwaundtn,
stille Nacht singt daunn jeder
holt sou guat dass as kaunn...
Nur ih sogs euch gaunz ehrlich
auf des olls kimmts net aun,
wal ih denk, dass da Herrgott
koa Freud damit hätt,
dass ma grod in sein Nauman
sou a Gschatz mochn tät,
dass ma ´s Christlindl heut
nur zur Glegnheit nimmt
und dass just nur die Soch
mit ´m Wunschzettl stimmt,
ih haun nix gegn Bescherung
und Familie mit Freud,
waunn ma nur net vagessn
wos die Weihnocht bedeut!
Maria Schneider
Keine Kommentare:
Kommentar veröffentlichen